Funguo katika mambo ya Kheri-Sheikh Musa Abeid Kashai markaz Bukoba

Tarehe 10/5/2012 Sheikh Musa Abed Imam wa msikiti wa Markaz kashai Bukoba Tanzania aliwapa nasaha waislamu wanaoswalia katika Msikiti huo kuhusu kuazimisha baadhi ya siku za kishirikina zinazotambuliwa kama sikukuu katika nchi mbali mbali ikiwemo Tanzania.

Baada ya hapo kwa ufupi alitoa waadhi kuhusu funguo za mambo ya kheri ili waislamu wazijue hizo funguo na wazitumie kuelekea katika kheri Insha Allah.

Funguo katika mambo ya kheri ni hizi:

Ufunguo wa pepo ni Laa  Illaha Illa  llah

Ufunguo wa Riziq ni kuomba maghfirah na kujishughulisha kufanya kazi

Ufunguo wa kuongezewa na Allah ni kushukuru Allah

Ufunguo wa heshima ni Kumcha Allah na kufuata mafundisho ya Mtume(SAW)

Ufunguo wa Swala ni Twahara

Ufunguo wa Hija ni Kuhirimia nia ya Hija

Ufunguo wa taufiq ni hofu na shauku

Ufunguo wa Nusura ni subira

Pia Sheikh Musa Abed aligusia funguo katika mambo ya shari:

Ufunguo wa maovu ni pombe

Ufunguo wa zinaa ni mziki

Ufunguo wa udhalili ni uzembe

Ufunguo wa moto ni shirki

Ufunguo wa fitina ni uongo